دارميات شعبيه عراقيه ...الشامت

**HERQAL** الثلاثاء أكتوبر 09, 2007 3:36 am

دارميات شعبية عراقية....الشامت..؟؟؟

ذياب مهدي محسن

</BLOCKQUOTE>

<BLOCKQUOTE>

ان أهل بلدي يأكلون ويتنفسون الشعر وخاصة الدارمي نوع من الشعر الشعبي الذي يكثر في الفرات الاوسط والجنوب الاحمر المموسق. والمغنى والحب هو المحكي المفرح والمحزن هذا نبض وكلام ابن أمة العراق العظيمة
آحاه جوتني النار آحاه تجويت
يافرحت الشمات المنهه ذليت
*******
شماتي موشمات شماتي مني
ماهمني الجتال همني الدفني
*******
خل تفزع الشمات فزعه جبيره
بس أنته كون أوياي أكسر عشيره
*******
أجلد أبممشاي ناحل تراني
خوفي من الشمات مو من زماني
*******
أصفك الراح براح وأتسله بالراح
خايف أكولن راح شماتي ترتاح
*******
ميت والمعزبات موش أمهاته
بالكلب فرحانات يبجن شماته
*******
يليّ تنكط الماي غمضني وطلع
تسكتلي النسوان لا واشي يسمع
*******
حيل وبله ويه الروح كل مايجيها
حتى آنه من الناس شامت عليها
*******
أصبر واشوف شلون حكم الله وياي
خاف أمن اكولن آه تتشمت عداي
*******
أهوايه أزامط بيك أهواي كلش
لنك ويه الشمات ! بيدك تفلش
*******
هلهل يشامت حيل وخل يسمعونك
ضعن الأحبه شال كرة اعيونك
*******
آني أحب كل نمام جه يوشي لهواي
يحمرن الوجنات من يعتب وياي
*******
أبني وادك بالساس صار أثنعش عام
فلشه الواشي بيوم خل ترضه الاسلام
*******
لا واشي لا نمام يدخل عليه
أهلا وسهلا بيك من تطب ليه
*******
بيدي وكرضه الفار فجت عباتي
وتشمتن ياحيف أمي وخواتي
*******
ومر يوما الشاعر الكبير الراحل عبد الحسين ابو شبع النجفي في مقبرة النجف وادي السلام وصادف ان وقعت عينيه على شاهدت قبر الشهيد حسين محمد الشبيبي /حازم/فقال لصاحبه عبد علي الشرقي سجل يارفيقي
عيوني تعاين عل الدرب وتراب
وروحي مايهمها الخطر وتراب
الشامت يرى كبرك حجر وتراب
ويرى التاريخ كبرك مزهريه
*********************

</BLOCKQUOTE>